बकरी पालन के आधुनिक तरीके सीखें

bakri palan ki jankari

Goat Farming Information In Hindi

Bakari Palan Kam Time Mein Adhik Munafa Dene Wala Business Hai.  Bus Jarurat Hai Ki Aap Bakriyan Ka Ahar Aur Awas Prabandhan Scientific Dhang Se Kare Taki Ap Es Business Regular Profit Le Sake.

Dekhne Mein Aata Hai Ki Hamare Kishan Bhaiyon Ko Jis Bhi Nasal Ki Bakriyan Mil Jati Hain. Ussi Ka Palan Karne Lagte Hain. Parinaam Swaroop Aise Bakriyon Se Vanchit Labh Nahi Mil Pata. Tau Kishaan Bhaiyon Aap Bakri Ki Kon Si Nasal Ka Chayan Kare, Aaj Hum Es Par Bat Karenge.

Bakri Ki Pramukh Nase Hain. Sirohi Goat, Marwari Goat,jakhrana Goat, Barbari Goat, Beetal Goat, Karoli Goat Aur Jamunapari Goat.

Sirho Nasal Ki Bakari.

Bakri Ki Sirho Nasal Doodh Aur Maans Ke Liye Pali Jati Hai. Es Nasal Ki Bakri Ke Gale Ki Niche Kalangi Hoti Hai. Jisse Ki Es Nasal Ki Pehchan Hoti Hai. Sirohi Nasal Ki Bakri Saal Mein 2 Baar Bacche Deti Hai. Aur 120 Din Ki Awadhi Mein Lagbhag 65 Litre Doodh Deti Hai.  

Marwari Nasal Ki Bakri.

Marwari Nasal Ki Bakri Doodh, Maans Aur Balon Ke Liye Pali Jati Hai.

Karoli Nasal Ki Bakri.

Karoli Nasal Ki Bakri Balon Ke Liye Pali Jati Hai.

Jakhrana Nasal Ki Bakri.

Jakhrana Bakriyon Ki Ek Dudharu Nasal Hai.

Barbari Nasal Ki Bakri.

Barbari Nasal Se Doodh Aur Maans Dono Milte Hai.

Beetal Aur Jamunapari Nasal Doodh Ke Liye Pali Jati. Ye Nasal Prati din 1.5 Se 2 Litre Doodh De Sakti Hai.

Bakriyon Ka Ahaar.

Bakriyon Ka Ahar Unke Sharirik Awastha Ke Anurup Dena Labhdayak Rehta Hai.  Aise Bakriyan Jinse Doodh Utpadan Nahi Ho Raha Hai Aur Vyahne Mein 2 Mahine Baaki Hain, To Unhe Normal Ahaar He Diya Jana Chahiye. Jisse Ko Wo Apne Sharir Ko Samanya Banaye Rakh Sake. Aise Bakriyon Ko Daily Dalhani Bhusa Aur 100 Gram Dana Mishran Ke Roop Mein Dena Chahiye.

Doodh Deni Wali Bakriyon Ko Dalhani Hara Chara Kam Se Kam 1 Kilogram Prati Bakri Ke Hisaab Se Dena Chahiye. Esje Ilawa 400 Gram Dana Prati Bakri Prati Din Dena Chahiye. Jisse Ki Bakri Ki Doodh Dene Ki Shamta Bani Rahi. Aur Uske Health Par Viprit Prabhav Na Pade.

Garbhit Bakriyon Ko Vyahne Se Lagbhag Dedh Mahina Shesh Rehne Se Pehle Har Roj 400 Gram Daane Ki Jarurat Hoti Hai.  


Doodh Dene Wali Bakriyon Ko Pehle Maah Mein 400 Aur Dusri Aur Tisre Mahine Mein 300 Gram Dana Mishran Dena Chahiye. Bakri Ke Bache Ko Chargah Ke Ilwa 3 Mahino Tak Bharpur Pet Aur Uske Baad Daily 200 Se 300 Gram Daana Mishran Dena Chahiye.

मछली पालन – Fish Farming Business in Hindi

Bakriyon Ke Liye Uchit Vatavaran.

Aam Taur Par Jada Tapman Pashuo Ki Prajnan Aur Utpadan Shamta Ko Prabhavit Karta Hai. Lekin Bakriyon Par Uch Tapman Ka Asar Kam Hota Hai. Garmi Ke Vatavaran Mein Pashuo Mein Peene Ke Pani Ki Jarurat Badh Jati Hai. Bakriyon Mein 40 Degree Se Adhik Tapman Mein Shushak Padarth Ka Upyog Samanya Se Lagbhag 10% Tak Kam Ho Jata Hai. Garmi Mein Bakriyon Mein Bhuk Ki Kami  Sharir Ke Tapman Mein Badhotri Ke Karan Ati Hai. Uche Tapman Par Pani Pine Ki Dar Mein Samnya Se 75 Se 125% Tak Badhotari Ho Jati Hai.  

Sirohi Aur Marwari Nasal Marubhumi Ke Liye Jaha Pani Ki Kami Rehti Hai Bahut He Uttam Hai. Bakri Amtaur Par Dopehar Bad Pani Piti Hai Parantu Garmi Mein Ye Subah Aur Dopahar Baad Barabar Matra Mein Pani Piti Hain.

Sirohi Nasal Bakriyon Mein Paani Ki Zaroorat Kam He Rehti Hai. Esliye Garam Shetro Ke Liye Sirohi Nasal Ki Bakri Achi Nasal Mani Jati Hai. Sardi Ke Mausam Mein  Jab Batabaran Ka Tapman Body Ke Temprature Se Kam Ho Jata Hai, Tab Body Ke Temperature Ko Ko Normal Rakhne Ke Liye Bakriyon Ke Sharir Se Urja Ka Nuksan Hota Hai..

Sardi Ka Mausam Maru Bhumi Ki Bakriyon Ke Liye Jada Pareshani Ka Karan Banta Hai Kyunki  Ek Aur Tau Urja Ki Maang Badh Jati Hai Aur Dusri Aur Maru Bhumi Mein Chare Ki Kami Ajati Hai.

Bakri Ke Rog.

Bakriyon Mei Ant Ke Tapedik, Fadkiya, Sankramat Garbhpat, C.c.p.p, Galghotu Aur Titnes Jivanu Janit Rog Hain. Enki Roktham Ke Liye Time Par Tika Karan Kare Aur Pashu Wade Ki Safai Ka Dhyan Rakhe. Plague, Chechak, Mupaka Aur Khurpaka Bhi Vishanu Janit Rog Hain. Enki Roktham Ke Liye Bhi Tikakaran Kafi Jaruri Hai. Bakriyon Ke Liye Adhik Se Adhik Utpadan Prapt Karne Ke Liye Bakriyon Ka Nirogi Hona Bahut He Jaruri Hai.

Waise Bahut Se Rog Bakriyon Ki Health Ko Prabhavit Karte Hain. Lekin Parjivi Bakriyon Mein Rog Vyapak Roop Se Prachalit Hai, Parjivi Rogo Ke Karan Bakriyon Mein Mrityu Dar Jada To Nahi Hai. Lekin Ye Rog Utpadan Ko Adhik Prabhavit Karte Hain. Mehtav Puran Bat Ye Hai Ki Vishanu Aur Jivanu Janit Rogo Ki Tarah Parjivi Rogo Ke Liye Abhi Kisi Prakar Ka Tika Available Nahi Hai.  Himokosis, Gol Krami, Fascioliasis Parjivi Pneumonia, Fita Krami Rog, Coccidiosis Bahya Parjivi Mukhya Parjivi Rog Hai. Sath He Afra Mein Pet Ka Bar Bar Fulna, Uria Vishakatta, Ruman Amalta, Samanya Apach, Ketosis Aur Ahar Janit Rog Bhi Bakriyon Mein Paye Jate Hain.

Ye Jaruri Hai Ki Rog Ki Awasth Mein Ap Kisi Pashu Chikitsak Ki Salah Le Aur Rog Ki Ilaj Kare.

Bakri Prajanan.

Bakri Se Adhik Doodh Utpadan, Income Mein Badhotari Ke Sath Bakri Mein Bacho Ki Uchit Sharirik Vikas Ke Liye Bhi Jaruri Hai. Jada Maas Utpadan Ke Liye Bhi Prati Bakri Jada Bache Peda Hone Chahiye. Parantu Unke Doodh Utpadan Shamta Bhi Itni Honi Chahiye Ke Wo Apne Bacho Ki Poshan Ki Jarurat Ki Bhi Purati Kar Sake.  

Ek Bakre Se Jitni Bakriyan Beyabhin Karai Jati Hain, Unse Utpann Hone Wale Sabhi Bacho Ki Anuvanshik Shamta Mein Us Ek Nar Bakre Ka Barabar Ka Yogdan Rehta Hai. Esliye Nar Ki Upyogita Bhi Doodh Utpadan Mein Bahut Badh Jati Hai.

Doodh Ka Lakshan Sirf Mada Mein Dekha Jata Hai. Jabki Eske Liye Nar Ki Gun Bhi Zimmedar Hote Hain. Hum Nar Bakron Ka Prajnan Ke Liye Chayan Unki Maa Dwara Diye Gayedoodh Ki Matra Ke Hisab Se Kar Sakte Hain Aur Yahi Vidhi Hum Doodh Dene Wali Bakriyon Mein Bhi Apna Sakte Hain.

Poultry Farming Business , Murgi Palan एक सफल व्यवसाय

Bakri Ke Doodh Ke Goon.

  • Bakri Ka Doodh Insaan Dwara Asani Se Pachaya Ja Sakta Hai.
  • Bakri Ka Doodh Pine Se Allergy Nahi Hoti.
  • Bakri Ka Doodh Hamare Pachan Tantra Ko Shariyat Pradan Karta Hai.
  • Bakri Ka Doodh Chip Chipa Padarth Yani Mukues Nahi Banata Hai.
  • Aur Na Hi Esse Pine Se Gale Mein Chipchipahat Ka Anubhav Hota Hai.
  • Bakri Doodh Selenium Ka Ek Acha Satrot Hai. Jo Hamare Body Ki Raksha Tantra Ko Majboot Banata Hai.
  • Bakri Ka Doodh Pine Se Apach Door Hota Hai. Aur Ante Clean Rehti Hain.
  • Gaye Bhens Ke Doodh Ki Apeksha Bakri Ke Doodh Mein Chote Chote Protein Kan Paye Jate Hain. Esme Wasa Kan Bahut Kam Patle, Komal, Awaran Yukt, Aur Size Mein Gaaye Ki Wasa Se Adhe Hote Hain.

Iska Matlab Ye Hua Ki Bakri Ka Doodh  Kam Garisth Hota Hai. Yani Esse Hum Asani Se Pacha Sakte Hain. Bakri Ke Doodh Mein Ashudhi Gun Hone Se Ye Bacho, Bajurgo Aur Rogiyon Ke Liye Vishesh Roop Se Labhdayak Hai.

नौकरी छोड़ बिजनेस आजमाना हो सकता है फायदेमंद

Bakri Ki Upyogita.

  • Bakri Ka Doodh Supach Hone Karan Bajurgo, Bacho Aur Dil Ke Marijo Ke Liye Aushadhi Ki Tarah Hai.
  • Baki Ke Doodh Se Paneer, Cheese, Dahi, Shrikhand, Chena, Khoa, Ghee, Chaj Aadi Bana Ke Beeche Ja Sakte Hain.
  • Bakro Ko Maas Aur Maas Janit Utpado Ke Liye Bhi Bech Sakte Hain.
  • Bakro Ke Sath Koi Dharmik Bhavna Nahi Judi Hai, Eske Karan Bakre Ka Maas Adhik Lokpriya Hai.  
  • Bakri Aur Bakro Ki Kharid Parosh Ke Liye Shetra Anusar Weekly Haat Aur Waro Ka Ayojan Bhi Kiya Jata Hai.
  • Bakriyon Se Prapt Balo Ka Use Kambal, Brush Banane Mein Kiya Jata Hai.
  • Bakri Ki Mengani Bhi Khad Ke Roop Mein Le Jati Hai. Jisme Nitrogen Ki Matra Sam Tulya Khadon Se Jada Hoti Hai.

You may also like...

2 Responses

  1. no credit check loans says:

    Good website! I really love how it is simple on my eyes and the data are well written. I’m wondering how I could be notified whenever a new post has been made. I’ve subscribed to your RSS feed which must do the trick! Have a nice day!

  2. A.P.SINGH KASHYAP says:

    IT IS COMMON BUT TRUE FOR ANY NEW GOAT FARMER

Leave a Reply

Your email address will not be published. Required fields are marked *