Kya Blogging as a Career Sahi option hai ? ब्लॉग्गिंग में करियर

Kya Blogging as a Career Sahi option hai ?

Aajkal ke time mein blogging bahut he jada popular ho rahi hai. Eska ek main reason unemployment bhi hai. Aur logo ka technology ki aur jagruk hona bhi.

Blogging ko as a career lena sahi hoga? Ye hum aaj discuss karenge.

Job ke liye dusri city main jana:

Kyunki jab koi MCA ya fir B Tech kar ke job ke liye apni city ya village se bahar jata hai, toh unhe kai problems ko face karna padta hai. Aur sabse badi problem hoti hai, salary ki aur dusri city mein akar rehne ki.

Aajkal ki bat kare to market mein freshers ki ginati kafi jada hai. Ek time tha jab koi engineering kar leta tha. Toh pure gaon mein naam hota tha. But dheere dheere eska chalan itna badh gaya ki har ghar mein ek bacha Btech aur MCA karne lag gaya.

Aur kahi parents ne bhi socha ki hum apne bache ko B Tech, MCA he karenge to unhe salary bhi achi milegi, akhir kar IT ki job hai bhai..

Unhe ye jankari nahi hoti ki aage ja kar IT line mein bhi kafi problems ko face karna padta hai.

Problem after MCA and Betch.

Main problems hai degree karne ke bad achi job na mil pana. Aur agar job mil bhi jati hai toh salary ache se nahi milti.

Starting mein toh itni bhi salary nahi hoti ki candidate apni PG ka bhi rent nahi de pata aur apne ghar se he paise mangwa kar gujara karna padta hai. Shayd ye problem apke sath bhi aayi he hogi. Kyun??

Aksar ye sab starting mein hota he hai. Field chahe koi bhi ho. Problems to aati he hain.

Aise mein kai log apni regular job se frustrated ho jate hain. Aur wo kisi success blogger ko dekh kar khud bhi blogging line main jump kar jate hain. Lekin blogging karna itna asan bhi nahi hai jitna ki hum sochte hain.

Blogging is not easy task:

Blogging mein sabse badi baat jo hai wo hai ki agar ap mein patience nahi hai to ap blogging mein bhi jada din tak nahi tik sakte. Esliye patience hona bahut he jaruri hai.

Niche ka pata na hona:

Jald baji mein hum aise he bina soche apna domain buy kar lete hain aur hosting kharid kar, apna blog setup karke blogging start karne lag jate hain.

But ye pata nahi hota ke blogging kis topic par karni hai. Aur wo bhi bina kisi target ke.

Target har cheez ke liye kafi jaruri hota hai. Agar ap bina target ke koi kam karte hain. To wo ya to bich mein he band ho jata hai, ya fir target ko reach karne ke liye apko jarurat se jada time lagta hai.

Isliye first ap decide kar le ki apko blogging kis topic par karna hai. Ye age chal kar apko fayda he dega.

Topic na mil pala:

Aksar blogging mein ye dekha gaya hai. Ki jinhone pehle apna koi niche select nahi kiya tha. Wo log jada tar time ye sochne mein laga dete hain. Ki mein likhu kya…

aur jab kuch likhne ka man mein ata hai. Toh tab tak thak chuke hote hain. Aur sochte hain ki chalo kuch der tak aaram karke he likhna shuru karte hain.

Because kabhi kabhi ye sab boring sa bhi lagne lagta hai. Aur kai to bich mein he by by bol jate hain. Esliye patience kafi hona chahiye es blogging ki field mein.

Money ke liye blog start karna:

Wo kisi ne thik kaha hai.. paise ped par nahi ugte. Kai baar hum success logo ke blog ko read kar lete hain. Aur unki income report ko dekh kar hame lagta hai ki hum bhi itna paisa kama lenge sirf apne ek blog se. toh ye sochna bilkul galat hai.

Jo blogger aj blogging mein success hain wo one day mein he success nahi ho gaye. Ap agar unke bare mein acche se read karoge toh unko bhi time laga hoga ek achi income generate karne main. Isliye aisa sochna band kar dijiye ke ap bhi blogging se income achi generate kar lenge ek short time. Aisa sochoge to ap jada din tak es field mein nahi chal sakte. Woh isliye ki income itni jaldi ayegi nahi aur ap bich mein he blogging band kar doge fir.

Don’t copy others content:

Market mein kai aise blogger hain jo dusro ke content ko copy karke khud ko expert bolte hain. Ap aisa kuch mat kijiye. Khud ka content apni language mein generate kijiye. Jo dusre ka article copy karke ya fir language change karke khud ke blog mein dal dete hain. Uska koi fayda nahi hota. Aise mein apki image kharab ho jati hai. Because woh same content dusri website par bhi hota hai.

Waise to har topic par aaj ki date mein apko blog mil he jata hai. Esliye koshish kare ki usse apni language aur apne experience ke according he write kare. Na ki copy master ban kar.

Ek baat hai wo ye ki yaha bhed chal bahut hai. Yani ki agar ek blogger technology ke bare main likh raha hai. Toh hum bhi wahi kam shuru kar dete hain. Aisa na kare.

Market mein competition bahut hai. Esliye ap bhi us bheed ka hissa mat bano. Jis topic par achi knowledge ho us par blog likhiye. Ya fir aisa topic chuniye jisse likhne mein apko bhi interest aye.    

Time management:

Aksar ye dekha gaya hai ki. Blogging main time ko lekar kafi problem ati hai. Jo log 9 to 6 job karte hain. Wo hamesha puchte hain ki hum apni job ke bad blog kaise likhe?

Kyon Ki job ke bad ghar ja kar blog likhna kafi tough ho jata hai. Kabhi kabhi to eyes mein bhi itna bhaar ho jata hai ki. Screen ke samne bethne ka man he nahi karta.

Aise mein aap jab morning mein uthte hain. Tabhi soch lijiye ki apko aj kis topic par content likhna hai. Kuch time morning mein office jane se pehle agar kar lenge. Toh evening ko jada problem nahi hogi.

Ap weekend mai bhi apna content likh sakte hain. Aur use alternate post kar sakte hain. But aisa mat kijiye ki ek content aj likha aur dusra next month. Esse aapke blog ko kabhi bhi popularity nahi milegi. Aur fir aap kahoge ki mein to article dalta hun but koi traffic nahi ata.

Do research:

Jaise ek din mein koi ameer nahi ban jata, aise he ek he din mein apka blog bhi popular nahi hoga. Eske liye ap apne niche par research kijiye. R&D kijiye ki main kaise apne subject ke bare mein aur acha article likhun, jo ki kisi ki help kar sake. Ek baat hamesha dhyan rakhe. Ki jo article aap likh rahe hai. Wo aisa hona chaiye ki kisi ki help ho sake. Agar ap bina soche samjhe kuch bhi likh denge to uska koi fayda nahi hoga. Esliye research kijiye.

Be positive:

Ap blogging line mein entry kar chuke hain. Isliye hamesha positive soch rakhe. Aisa kabhi mat soche ke mera blog chalega ya nahi. New content hamesha likhte rahe. Automatically traffic apke blog par ayega. Agar wo wakai mein unique hoga toh.

 mera manna hai ki agar apka content unique hai to apko apne article ko jada social media par share karne ki neend bhi nahi hoti. User khud Google search ki help se apke blog tak pahunch he jayega.

Kya blogging career ke liye thik hai:

Ji han agar ap apna career blogging main banana chahte hain. Toh apko bahut jada mehnat karni padegi. Shayd jo mehnat ap 9 to 6 ki job mein karte hain. Use bhi jada.

Because kisi bhi kam ke liye mehnat toh karni he padegi.

Kya blogging main paisa hai:

Ji han blogging main bahut paisa hai. Itna paise ki ap soch bhi nahi sakte. Bus jarurat hai to ye samajhne ki ki kaisa paisa kamaya jaye blogging se.

Blogging se ap Google adsense, affiliate marketing, se bhi acha paisa generate kar sakte hain. Jarurat hogi ache traffic ki.

Agar aapke blog mein organic traffic acha hai to aap acha khasa paisa kama sakte hain. Aur bhi kai aise tarike hai jinse hum online paisa earn kar sakte hain blogging se. ye hum bad mein discuss karenge.

Conclusion:

Blogging best option hai future ke liye, agar ap mein patience hai toh, agar ap me patience nahi. Agar ap mein extra aur unique sochne ki shamta nahi hai to fir apke liye 9 to 6 job he achi hai.

Jo log hamesha creative karna chahte hain. Unke liye blogging best line hai. Ap Hindi Blog, English Blog, Hinglish Blog bana sakte hain.

India mein aajkal Hinglish Blog ka trend bhi chal pada hai. Esliye ye sahi moka hai start karne ka.

Aisa koi kam nahi hai jo hum nahi kar sakte. Creative baniye, fir ap bhi ache blogger ban sakte hain.

Koi bhi kam mushkil nahi hota hai. Agar mera jaisa blogging kar sakta hai to hap kyun nahi. Ap bhi 100% blogger ban sakte hain. I am sure you can do it. Do it now.

Bus patience rakhe. Aur apne apko update karte rahe. Yad rakhe ki aisa topic chuniye jo apko acha lagta ho. Aur use likhne main ap kabhi apne ap ko bore feel na kare. Aisa niche select kare jisme apko bhi acha lage.

Hamesha positive mind ke sath kam karne se sab thik hota hai. To Aakhir blogging hai he kya cheez…

Best of luck friends.   

You may also like...

Leave a Reply

Your email address will not be published. Required fields are marked *