रक्षाबंधन से सम्बंधित सम्पूर्ण जानकारी

raksha bandhan in hindi
image source - WikiPedia

Raksha bandhan ka hamare sanskar mein itna mahtav kyun hai. Eska sanskritik, dharmik aur vedic mahatva kya hai.

Hamare dharm granth main hamare shastron mein esse sambodhit kiya aadhaar milte hain.


Kisi bhi dharmik anusthan mein ya pooja path mein raksha sutra bandte time jab bhi acharya aap ko raksha sutra bandhte hai, to apne dekha hoga acharya ek shalok jarur padhte hain. Uska ucharan jaruru karte hain.  Jisme ki raksha bandhan sambandh raja bali se spasht roop se bataya gaya hai. Ye shalok raksha bandhan ka abhisht mantra hai. Esko kabi ap acharya ji aap ko bandhe, to es bat ko dhyaan dijiye ga to apko samajh ayega, wo mantra ucharan karte hain.  Jiska matlab hota hai jiss raksha sutra se shaktishali devendra raja bali ko bandha gaya yani daan mein indra ke sman raja bali ka bandha gaya ussi raksha bandhan se mein tumhe bandhta hun jo tumhari raksha kare.

Raksha bandhan ka tyohar shravan mas ki purnima ki din manaya jata hai. Raksha bandhan mein rakhi ya rakhi sutra ka sabse jada mahatva hota hai. Rakhi saste soot jaise saste bastu se lekar rangeen dhage tatha sone ya chandi jaise costly dhatu tak ki bhi ho sakti hai.

Rakhi samantya sisters apne bhaiyon ko badhati hain. Parantu purti dada apne papa ko chacha ko athwa koi bhi kisi bhi vyakti ko apne apas ke sambandh ko madhur banane ke bhavna se ya fir suraksha ki kamna se ek dusre ko raksha sutra bandh sakte hai.

Prakriti  ke sanrakshan ke liye braksho ko rakhi bandhne ki parampara bhi hamare samaj main hamare sanskar mein kafi time se chali aa rahi hai.

Sanatan parampara mein kisi bhi karakaand main aur anusthan main puran ahuti bina raksha sutra bande puri nahi hoti hai.

Pratah kaal sanana adi se nirvit ho kar ladkiyon aur mahilaye puja ki thali sajati hai. Thali mein rakhi ke sath roli ya haldi, chawal, deepak, mishthan hote hain.  

Pehle abhisht devtaon aur kul devtaon ki puja ki jati hai. Uske bad roli ya haldi se bhai ko tika karke uski aarti utari jati hai.

Dahini kalai par rakhi bandhi jati hai. Bhai apne bahan ko gift aur shubhkamna prati dhan deta hai. Uski raksha ki pratigya leta hai. Apni taraf se jo bhi uska samrth hota hai bhai hone ka, wo kuch bhet mein kuch uphaar mein kuch dakshina zaroor deta hai. Aur aisa kiya jana chahiye.

Raksha bandhan ek aisa pawan parv hai jo bhai behan ke rishte ko aur jada adar aur samman deta hai. Raksha bandhan ke anusthaan ke pura hone tak fast rakhne ki bhi parampara hai, aise manate hain, jab tak behne bhai ko rakhi na baandh lein aur jab bhai bahno se raksha bandhan karwa na le, tab tak ann graham nahi karna chahiye.

Purohit subeh subeh he jajmano ke ghar pahunch kar unhe rakhi bandhte hain. Aur badle mein ann, vestra, dhan, bhojan ityadi prapt karte hain.

Raksha bandhan bhartiya samaj mein itni vyapakta aur gehrai se samaya hua hai ki eska samajik mehtav to hai he dharam, puran, itihas, sahitya bhi eske vernan se bhare pade hain.  

Sage bhai behan ke atirikt anek bhavnatmak sambandh aise bhi hain, es parav par aise bhi bandhe hote hain, jo dharam, jaat aur desh ki seemao se bhi pare hote hain.  

Guru shishya ko raksha sutra bandhta hai, to shishya guru ko raksha sutra bandhta hai. India mein prachin kaal mein jab snatak graduate education complete karne ke baad apne gurukul se vida leta tha, to wo teacher ko ashirwad prapt karne ke liye usse raksha sutra bandhta tha. Jabki acharya apne vidyarthi ko isi kamna ke saath raksha sutra bandhta tha ki usne usko jo bhi gyaan diya hai, us vidyarthi ne jo bhi gyan prapt kiya wo apne bhavi jeevan mein uska samuchit dhang se prayog kare, taki wo gyaan ke sath sath acharya ki garima ki raksha karne mein bhi safal ho sake.  

Eisi parampara ke saath aaj bhi kisi dharmik vidhi vidhan ke purv purohit apne yajman ko raksha sutra bandhta hai. Aur uske baad yajman fir apne purohit ko raksha sutra bandhta hai. Es prakar dono ek dusre ke samman ki raksha karne ke liye perspar ek dusre ke bandhan mein bandhte hain.  

Ab bari ati hai ki raksha bandhan ka puranik mahatva kya hai. Purano mein eske kya sandhrav milte hain,

Rakhi ka festival kab se start hua ye to koi nahi jaanta, lekin bhavishya puraan mein vernan hai ki jab dev aur danvo mein jab yudh aarambh ho gaya. Tab danav haabi hote hue nazar aane lage. Tab bhagwan indra ghabra kar bhagwan brihaspati ke pas gaye. Wanha par bethi indra ki patni indrani sari katha sun rahi thi, unhone sara vratant suan ki kis tarah danvo ne hahakaar macha rakha hai aur devtao ke upar atyachar kar rahe hain aur jaldi he devlok ko bhi chhin lenge.   

Unhone resham ke ek dhaga mantra siddhi se pavitra karke apne pati bhagwan indra ke hath mein bandh diya. Aur wo shravan purnima ka he din tha. Logo mein vishwas hai ki indra es ladai mein isi dhage ki mantra ki shakti se vijay prapt kar sake.

Usi din se shravan purnima ka ye parav, dhaga bandhne ki ye pratha hai jisse hum aaj rakhi bolte hain ye tab se chali aa rahi hai.

Ye dhaga dhan, shakti,  harsh aur vijay dene mein puri tarah samrthwan mana jata hai.

You may also like...

2 Responses

  1. Angelagen says:

    You always do the right thing. God Bless you.
    Thank you

  2. Julieham says:

    Good post! I read your blog often and you always post excellent content. I posted this article on Facebook and my followers like it. Thanks for writing this!

Leave a Reply

Your email address will not be published. Required fields are marked *